قصة مغربية بالدارجة

قصة بالدارجة المغربية "حب يسافر عبر الزمن "

انا : اوووف اختي انا كاملا فزكت واش هاد الخلا مهنا حتا شي بلاصة ندرقو فيها
لمياء : صبري معندنا منديرو راها وقفات الطموبيل حتا انا فزكت بحالك 
انا : واش مهنا حتا حد
لمياء : هانتي كاتشوفي غي الخلا والقيفار حتى من ريزو والو غايتخلعو علينا بابا وماما
انا : واييه ..شوفي راها واحد الدار
لمياء : ايييه رااها ولاكن شكون هادو لي ساكنين وسط هاد الخلا
انا : منعرف مهم يالاه يعطيونا غي نشربو بعدا وينعتولنا طريق
مشاو دقو هو يخرج ليهم واحد الراجل شعرو بيض مشعكك يجي فعمرو ديك 50 سنة داير نضاضر مضورين دالشوف كيبان كي شي هبيل
لمياء : سمحلنا اسيدي انا وختي ضاعت لينا الطوموبيل وبقينا اونبان معرفنا انا طريق نشدو .. والشتا هنتا تشوف خيط من السما واش نقدو ندرقو عندكم علما تفتر
بقا كيهود ويطلع فينا
سيد : سيرو عند هداك لي مسيفطكم ليا قولولو الثغرة ولله منعطيهالو هدا اختراع ديالي انا
انا و لمياء بقينا غير كنضورو فعنينا
انا : اسيدي الله يهديك حنا ما بغينا لا ثغرة لا والو طلبنا غير نضرقو الي مبغيتيش نمشيو بحالنا
لمياء : سمحلنا اسيدي راه غير حيت ما بنتلنا حتا دار مغير هادي داكشي علاش دقينا

سيد : دخلو
انا : ( غي بالحس )هاد سيد ماعجبنيش اختي
لمياء : شششششت سكتي تفتر الشتا ونمشيو
دخلنا لديك الدار بقينا مبهوضين كلها اجهزة وشي قراعي معرفنا اش فيهم وفين ما دورنا عينينا كنلقاو الكتب بقينا كنشوفو بعينينا حتى كنوصلو ل ديك السيد لي لقيناه كيشوف فينا
-( فودن لمياء) ماشي داير كي ديك الاساتذة ديال الفيزيك
- سكككتي انا خوفني المنضر ديالو .. مالو كيشوف فينا هاكا
- يصحابتلك كاع الناس كيقرقبو الناب بحالنا
السيد : سمعو ابناتي فلول مدرش تيقتي فيكم حيت داري جات مخبعة بزاف ومايجيلها غير لي منعتيلو ليها .. ولاكن بنتولي تالفين بصاح ... اش جيتو ديرو هنا

Parte (2)

لمياء ( هي لي مشجعه اما انا غي كنشوف فهاد الدار لي دايرا كي شي مختبر ) اسيدي حنا جينا مع واليدينا رحلة لصحرا كلسنا فزاكورة سيمانة وفاش بغينا نرجعو واليدينا سبوقونا بطوموبلتهم وحنا جينا بشوية علينا حتا وقفتلنا الطوموبيل هنا معرفنا راسنا فين حنا وحتا الطريق مناش نرجعو .. تلفنا معرفنا فين نردو الراس 

- الله يجازيك بالخير اسيدي لما نعتلنا الطريق الصحيح لشي فيلاج نجيبو لي سكد لينا الطوموبيل ونمشيو فحالنا 

السيد : الفيلاج راه بعيد ب 30 كلم ماتقدوش تمشيو على رجلكم .. وهاد البلاصة راها عامرا حلالف ها نتوما كلسو وخودو راحتكم غدا يجي ولدي بطوموبيل ويوصلكم 

انا : غدااا !!!الحلالف ؟؟؟؟؟

السيد : الى مبغيتوش سيرو دبر راسكم 

لمياء : ( سكتي نتي ) لعساك اسيدي نكلسو الله ياودي حنا لقينا بعدا فين نتخباو من هاد الشتا 

السيد : صبرو نديرلكم ما تاكلو واقيلة جيعانين 

لمياء : لا اسيدي مكاين لاش نعدبوك 

انا ( غي بالخس ) سكتي انا ميتة بجوع 

السيد : على خاطركم ... كلسو ورتاحو نكمل خدمتي (مشا) 

انا : هاادشي لي بغيتي انا راه فيا موت دالجوع 

- وعلى بنادم كيداير زعما غي بغينا نديرو الصواب كان عليه يقول لا نجيبلكم 

- ونتي فمك صابقك ديك الصواب ديريه مع خوالتك ماشي مع هاد غريب الاطوار 

- وادابا زيري على كرشك وخلينا نصقرو 

- وراه فيااا جوع .. شوفي راها الكوزينة يالاه نهزو شي حاجة منقدش نصبر 

-صقري فبلاصتك حشمي 

- والله ماقادا نصبر اختي 

- اويلي على فضحتي ... واش عندك السينتة 

- ها كتهضري بحالا نتي مجيعاناش 

- اه جيعانا ولاكن ساكة وصابرة ديري بحالي 

- الا ختي والله منصبر ( نوضت غي بالحس للكوزينة ولمياء تبعتني ) 

- ( غي بالحس ) ايخ على دار مافيها مايتنكل 

- شووووت هانتي راه الخبز هزيه دغيا 

انا مشيت نجيبو وهيا تبانلي واحد الالة كبيييييرة كلها حديد وزاج وكلها بوطون بقيت مبهوضة 

- اييييه مالكي جمدتي دغيا اراي الخبز قبل ما يجي 

- اوااااااه جري جري اجي تشوفي 

- واش نتي حمقة شكون غايحضيه 

- واااجي سربيييي 

جات 

- شنو كاين .. واااااااو 

- اش هاد العجب اختي 

- اوااااه هادشي كنشوفوه هي فالافلام بحال ديك الطوموبيلات لي كايطيرو 

- يمكن اختي هادا هو الاختراع لي كان كيهضر عليه 

- شووووت هاهو جاي يالاه يالاه 

مشيينا كنجريو كلسنا بلاصتنا ودرنا براسنا ماشفنا والو 

- السيد : ياكما قنطتو 

- لمياء : لا اسيدي مشي مشكل 

- انا ( غي بالحس ) هدا مايجيبلناش ناكلو 

السيد : فين حاطين طوموبلتكم 

- لمياء : على الطريق تما وقفتلنا بلعاناها وجينا 

- ممم مزيان انا غنجيبلكم تاكلو غاتكون جعتو 

- انا : اه جعنا 

- واخا بنتي

( مشا ) 

- انا : يا حلييلي ضريف وخا غريب شوية 

- اوا ختي شوفي شنو صنع ملي دخلنا لدارو راه حنا المزهارين 

- ياختي شنو غيكون داكشي 

- وباش غنعرف انا .. شششتت هو جاي 

- السيد : تفضلو قبلو عليا 

- انا : اويييلي اش كتقول الجوع مكيعرفش قبلو عليا 

- لمياء : ( بغات ترقعها ) هممم بغات تقول زعما علاش عدبتي راسك

Parte (3) 

- السيد : مكاين حتا عداب .. قولولي منين نتوما 

- لمياء ( انا غير كنسرط خليها هيا تهضر ) حنا من فاس 

- السيد : اااه كتسناكوم طريق طوييله 

- لماياء : انشاءالله نوصلو

- انا : ونتا اسيدي اش كدير فهاد الخلا 

- السيد ( جمع عنكورتو وخنزر فيا ) الطبيعة متنقولولهاش خلا 

- لمياء ( بالحس ) كولي وصقري .. لاا اسيدي غي بغات تقول زعما هاد البلاصة بعيدة على المرافق صعيبة العيشة فيها 

- السيد : عندي ولدي الله يرضي عليه ديما كيجي عندي و كيتقضالي ويلا بغيت شي خاجه هو يوصلهالي .. انا مكنحملش الصداع و الغوات كيعجبني الهدوووووء 

- انا ( وقفتلي الماكلة بقيت غي كنكحب حتا شداتني شهايقة ) 

- لمياء : شدي شربي 

- السيد : كيعجبني الواحد يكون طبيعي عفوي مكيتصنعش لي فقلبو على لسانو بحال ختك 

- انا : شكرا اسيدي لهلا يخطيك ( رفاعي المعنويات ههه ) 

- السيد : شنو سميتكوم و شحال فعمركم 

- لمياء : انا لمياء عندي 24 سنة و ختي سميتها آلاء عندها 19سنة 

السيد : الله يخليكم لبعضياتكم 

ناض هو مشا كيطل من السرجم خلانا غي كنضورو فعينينا شوية ونا نتشجع وسولتو

- سيدي نتا شنو خدمتك 

- لمياء ( بالحس ) سكتي المسخوطة شغلك هنا غيدبحنا 

-( خنزر فيا ) ماشي شغلك 

- انا : هاء 

قرصتني لمياء و سكت ههه.. عي كيخنزر ومكيضحكش... بقينا غير ساكتين حتا بدا يضلام الحال جابلينا الكاشات و قالينل تصبحو على خير ومشا 

- اوااه باغينا نعسو مع سبعة دالعشية 

- اويلي سكتي مكتحشميييش 

- اخخ لا تلفازة لا بيسي ملييت 

- وسكتي خلي هاد الليلة دوز على خير 

شوية كنسمعو جخير ديالو 

- انا : إوا نعااس المياء هههه 

- هههه انااري هادا كيدير الضالة بجخيرو ههه 

- ختي يالاه نشوفو ديك العجب لي محطوط تما

- اوييييلي واش حماقيتي الى فاق غيتقلق 

- وسمعي جخير ديالو هادا راه فسابع النومات نوضي نوضي عافاك 

- وشعلي فلاش ديال تيليفونك ويالاه نمشيو

Part (4) 

مشينا غي بالحس كنشوفوها كبيرة دايرا كي شي كروصة عامرة لداخل بالبوطون والساعات وشي كتابة دايرا كي تمارين ديال الماط ههه فيها كرسي و حزام السلامة بقينا كنشوفو معرفنها طوموبيل و لا كروسة و موراها صبورات بزاف فيهم تواريخ بقينا حالين فمنا فديك العجب شوية بقينا غي كنضورو بيها حتا معرفت علاش زطمت وهي تفتح لينا واحد الباب وسط الحيط فيها علام اخور غير القراعي و الصبورات و الالات وشي قطوط محبوسين

- لميااء اش هادشي 

- اواه واش كنحلمو 

- نااري كيجيبلي الله باحالا رانا فالجاسوسات ههه ..هيا لننقد القطط ههه

- كيغانديرو نسدو هاد العجب دابا شتي اشنو درتي 

- دخلي دخلي يالاه نديرو سيلفي نفقصو بيه البنات هاكي صورني 

- واش حماقيتي اشمن تصاور ويالاه رجعو فحالنا هادشي كيخلع 

- وناري شحال خوافة شدي صورني حدا هاد الاله 

بقينا شحاال و حنا نتصورو 

- لمياء شوفي غندخل فديك العجب لهيه و صورني عااافاك نقول البنات هادي طموبيل يالاه تخترعات

- اويلي ويلا ضيعنا شي حاجة 

- وزيدي صورني فين غيشوفنا 

ركبت فيها وبدات تصورني شوية ركبات حتا هي وبدينا نديرو سلفياات و نعوجو فشلاقمنا هي بقات كتصور و انا فيا الفضول بديت نشوف فداك البوطون 

- لمياااء شوفي ماشي هاد البوطون فيهم التوارخ 

- اه والله يلا بصح 

- هانتي هاد المستطيلين فيهم الشهورا .. و هاد المربعين الايام 

- و علاش مكينيش السنوات 

شوفي يمكن ديك البطونات لي لهيه 

- هادو ؟؟ ( مقصدش و تكيت فيهم هوما يشعلو بالحمر و زيراتنا السمطه مع الكورسي 

- لمياء : اويييلي شنووو درتي اش هادشي 

- معرفتش اختي صبري يمكن نطفيوها منهنا (تكيت على واحد البوطونة بانتلي حمرا وكبيييييرة وهي تبدا دير واحد الصوووت مجججهد بحالا غاديماري .. شوية هو يجي ديك الراجل كيغووت ) 

- السيد : المسخووووطات اش كدييييرو خرجتوليا على اختراع د 20 سنة ونا خدااام عليييه 

- اسيييدي عااافاك نزلنا منهنا حنااا خااايفييين 

- عتقنااا 

بقينا هاكاك كنفوتو حتا ولينا كنشوفو كلشي بيض واخد الشوية كنتلاحو فالارض غير الرملة والشمممش حررررة بقينا مبهوووضين كان قلبي كيضرب بببجهد ولمياء كانت غتسخفلي بالخلعة بقينا شحال كنشوف شنو داير بينا 

- ختي اويلي انا ممصدقاش عيني كيدرنا حتا وصلنا لهنا 

- شتي فعاايلك شفتي وسيري تصوري دابا مع الرملة 

- يمكن رجعنا لزاكورة 

- اويييلي فين حنا نوضي نوضي 

- هربنا من الشتا صدقنا فالشمش 

- انا ممصدقاش عيني وااافين حنا 

- وزيدي نشوفو 

بقينا غير كنتمشاو غير الرملة و الشمش و النسورا فالسما شوية كيبانولينا واحد جوج رجال لابسين شي درابل جاين غير شافونا هوما يجبدو سيوفهوم 

- وانااااري هادو مالهوم 

- واش كيمثلو شي فيلم 

- هادو ناوين على الصح هزي يديك هزي لما يصفيوها لينا 

- واش شفتي شحال بوكوصين 

- اويييلي على المجرمة حنا تالفين وهي كتشوفلي لزين 

- مول ديك الشرويطة الزرقا مخلاليش العقل واااو 

- نااري يا آلاء اليوم يصفيوها لييينا

جاو كيجريو لعدنا طلعو فينا وهودو وربطونا وقال ديك البكوص

- من انتم

Part(5) 

و قال لاخور : 

- من ارسلكم 

انا : هاء واش هاربين من شي فلم شنوي هادو 

الرجل الاول : ماهده اللغة 

انا : الداااريجه 

الرجل الثاني : دراااجة !!!! 

انا : اويلي على دراجة لواه عربة 

الرجل الاول : اتبحثون عن عربة 

لمياء : اشفو الله يرحملكم الواليدين حنا تالفين ومعرفنا فين راحنا واش نتوما من ليزانديان 

الرجل الثاني : فهمت فقط كلمتان .. والدين .. الله 

الرجل الاول : الى اي قبيلة تنتمون 

انا: بني فقوص من تما اصلنا 

الرجل الاول : الا تتكلمون العربية 

انا : وبنتلك كنهضر بالشنوية 

لمياء : ختي الاء ياكما داكشي لركبنا فية الة دالزمن 

انا : اختي والله ما بقيت فاهما تاوزا يمكن ديك الالة صافرت بينا لشي بلاد 

لمياء : ودابا فين راحنا 

انا : عايني نهضرو معاهم باللغة العربيية ونفهمو منهم فين راحنا. اسمعني ما اسم هادا المكان 

الرجل الاول : نحن في ارض الصقر 

انا : شناهوا 

الرجل الاول : ما هادا اللذي تلبسونه اتقدمن استعرضا ما !؟ 

- انا : بزاف عليك هادو راها لامارك

بقاو كيشوفو فبعضياتهم و شوية تنطق ختي مولات العقل 

- لمياء : يا اخوان كم تاريخ اليوم 

الرجل الاول : انها 20 من رجب 

- لمياء : اوااه راه تاريخ اليوم .. اي سنة ! 

- الرجل الثاني: 310

- انا : ديالاش هاد تلتمياوعشرة

الرجل الثاني : نحن في 310 من التقويم الهجري

.. 20 رجب 310 تاريخ اليوم

Part(6) 

لمياء : ماشي معقول ميمكنش 

- انا : واش كطنز علينا نتا 

- لمياء : سكتي ونتي غي كطيري .. راه ديك العجب سافر بينا للماضي راحنا ف 310 هجرية يعني راحنا ف 922 ميلادية 

- اواااه يعني رجعنا ب 10دالقرون و 94 سنة لوور !!!!!! 

- كيدرتي حسبتيها 

- واشنو حسابتك قرايتي مشات فالخوا هنا وقفت على الماط 

- الرجل الاول : مادا تقولون 

- الرجل الثاني : تبدوان غريباتا الاطوار من انتم هل بشرا !!! 

- انا : لا مخلوقات فضائية 

- لمياء : هالعار لما سكتي ا آلاء .. اسمعونيني نحن اتينا من المستقبل .. يعني من سنة 1437ه 

ديك الجوج تفرشخو بالضححك بداو يتمرغو فالرملة بالضحك و لمياء غير كانشوف فيهم ونا جاتني الضحكة على داك التمريغا لي دارو 

- الرجل الاول : أتراكما حسبتمونا مجنونين كي نصدق هدا الهراء 

- لمياء : لاااا حاشااا 

غير هضرات لمياء هما يجبدو سيوفهوم وشنقو علينا 

- الرجل الثاني : انتم اتباع حاشاا !!! 

الرجل الاول : لن نترككم احياء يا جواسيس حاشا الملعون 

لمياء : اوودي طلقووو مني شمن شي حاشا ( شافت لعندي لقاتني كنتفرشخ بضحك ) باازلك كضحكي هاد جوج غايقتلونا ونتي كضحكي 

انا : ههههههههه وااااهيا مولنا وهياااا الماااالك ونااااري مي كرشي .. اسمعو الخوت ان حاشا بلغتنا تعني ... تعنيييي. .. وتي عتقى اصكعة شنو هيا حاشا باللغه العربيية 

لمياء : حاشا بالدارجة يعني لم أقصد ان أهينكم 

الرجل الثاني : مذا تقول هده 

الرجل الاول : اللذي فهمته من كلامها هو انها قصدت ان حاشا سيأتي عندنا فوق الدراجه كي يهيننا 

لمياء : وااا لااااا 

انا ( كنموت بالضحك ) ههههههههه حاشا جاي هربووو هربووو ههههه 

لمياء : وراه مكين لي غيقتلني قدك سكتييي راه مكيضحكوش هاد القمام خلينا نتفاهمو معاهم

الرجل الاول : تعاال لندهب بهم الى الخليفة كي يعاقابو 

الرجل الثاني( هدا لي بانلينا مرزن باين فيه شي وحد قاري العلم وبكووووص) : انتظر لحظة انظر الى ملابسهم و داك الكحل الازرق اللذي فعينهم و تلك الاشياء في شعرهم انظر الى احديتهم .. نحن لا نملك مثل هده الاشياء في زمننا ربما هم على حق و اتو من المستقبل ... حتى لغتهم تشبه العربية وفيها نوعا من الفارسية 

انا : انا هاد الطنز العكري والله مدخلي لمخي غتكون غي شي كاميرا كاشي 

لمياء : اوا نتبعو الشفار لباب الدار 

انا : اودي مابنليش هاد الشفار باغي يمشي فحالو هاد النهار باش نتبعوه 

الرجل الاول : دعنا نمسكهم بالحيلة و نعرف هل هم جاسوسات ام من المستقبل 

انا : اودي مكدبتيشاي جاسوسات نيييت لدايرين هاد المغامرة كاملة انا اليكس وهادي كلوفر

الرجل الاول : اسمعت هاهي اعترفت 

انا : اسلامة هادي فهمتيها وبااز 

الرجل الاول : باااز اسمعت انها تقول باز انه وزير حاشا تعال لنمسك بهم 

انا : هاء واش مفلبي نتا قالك وزيير طررررر .. وقولي طررر شعار ديال حاشا 

الرجل الاول : اسمعت هاهم اعترفو انهم يرددون شعارهم لاكن لم افهمه ربما كلمة سرية 

الرجل الثاني : لا اظن ان هناك حاشا في هده القصة انظر كم بريئتان لايملكن حتى السلاح ..

واحد الشوية هو يصوني لي التيليفون فجيبي ب باتري فيبل batterie faible وهوما يجبدو سيوفهم عاوتاني 

الرجل الاول : ماهدا الصوت المنبعث منك يا ثرثارة 

انا : اولا صوت نبعت من تيليفون ماشي مني .. ثانيا ثرثارة هي موك راه والله كومكنتيش رابطني حتا نكروشيك 

الرجل الثاني : ماهادا الصوت 

انا : تيليفون خوا من لاصارج اش غيكون عندك شي شارجور اتينا بيه معندكش شد فمك 

لمياء : واش هادو كيعرفولك التيليفون 

شويا حشا يدو فجيبي وجبدو

Part (7) 

الرجل الثاني : ماهذا الشيء 

انا : تيليفون بورتابل هاتف مشقوف خلاتها جدة 

لمياء : انه جهاز يتصل بالاقارب نستعمله ف زمننا لم تصدقوا بعد نحن من المستقبل 

انا : ارا لهنا نوريك تصاور تشوف الطوموبيلات ارا 

الرجل الثاني : لم افهمك !؟ 

انا : اعطيني داك الشيء كي ترى الدليل اننا من المستقبل 

شويا هو يعطيهلي فكلي يدي وبديت نوريه فالتصاور وهوما غي مبهوضين 

انا : هانتا شوف هادي مرسيديس دبابا و هادي كولف ديالنا انا وختي خلينها حدا الطريق د 2016 وهادي لكاتشوف هنا هيا الجامعه فين كنقرا 

الرجل الثاني : عجييب حقا ومهدا المزمار فوق رأسك 

انا : اشمن مزمار هدا راه عيد ميلادي ودايرا طربوشة ديال لانيفغسيغ 

الرجل الثاتي : ومهده الموكولات 

انا : بيتزات صفار و هادو البريوات وجداتهملي خاتي تورية مسكينة وخا عدبها ريان 

لمياء ( قاطعتني)اراي ليا داك التليفون نفهمهم انا نتي كتعودي قصت حياتك هو كيعرفلك بيتزا

حيداتولي وبدات توريهم فيدوات ديال الطموبيلات و التكنولجيا ديالنا عاد وعاودنالهم و ورينالهم تصاور الالة لي ركبنا فيها عاد تاقو بينا وفكونا

الرجل الثاني : نحن نتأسف جدا على هده المعاملة لأن هدا الشيء صعب التصديق السفر عبر الزمن هو فقط حلم كان يراود العلماء لدينا حسنا انا اسمي شيحان وهدا صديقي نهشل ومن انتم 

انا : على سميات شحل زوينين انا الاء و هده اختي ليماء 

ليماء : تشرفنا بكم اسمائكم غريبة 

شيحان : انا اسمي يعني الرجل الغيور الحازم و شيحان ابن صوحان من خيار اصحاب علي وخطائبهم 

نهشل : اما نهشل فتعني الشخص المضطرب كبرا و نهشل ابن دارم جد جاهلي من العدنان 

شيحان : ذوينا يسمموننا اسماءا على اصحابها ظنا منهم اننا عندما نكبر نصبح مثلهم لاكن هده خرافات ليس إلا 

انا : اوااه حتا نتوما عندكم الخرفات وحنا الخرفات ديالنا هما نتوما 

شيحان : لم افهم عليك جيدا اهكدا ستصبح العربيية مستقبلا 

انا : وماشتي والو عاد مسمعتيش ساطا و الخوادرية و البعالك 

نهشل : ماهده المصطلحات 

لمياء : دعونا من هدا الحديث اين تقطنون هل تقبلون بضيافتنا 

شيحان : نحن مسافرون الآن الى ارض العلم كي ندرس الدين و الاحياء .. لاكن يمكننا العودة الى بلاد الهامشية حيث نقطن

انا : دبا بلاد العلم هي الحي الجامعي ديالنا

شيحان : ماذا

Part (8) 

انا : واناري بهاد اللغه كيجيبلي الله بحالا شوية وغيطل عليا عمر المختار مشي قنت 

لمياء : كيف سافرتم؟؟ على الاقدام ؟؟ 

نهشل : اجل وهل من خيار ؟ 

لمياء : الا تملكون دواب ؟ 

نهشل : لا فالخيل باهضة الثمن ونحن من اسر فقيرة لا نملك ثمنها 

انا : وهادو اختي الحمار ديالهم هو بي ام ديالنا حنا علااام 

شيحان : هيا انهضو امامنا طريق طويلة كي نصل 

انا : وانا جعععت 

نهشل : هاا فهمتك انت جائعت هيهااات قربيا ساتعلم لغتكم كاملة 

انا : هيهيهي نصفق لك ؟

لمياء : آلاء ديري عقلك 

انا : اختي انا توحشت ماما وبابا 

لمياء : دابا زيدي نشوفو هاد الحريرة فين غاتخرجنا 

بقينا ماشيين شحاااال حتا بدا يضلام الحال 

نهشل : لنوقد النار هنا اضنه مكانا صالحا للمبيت 

انا : اااشنو !! نباتو حنا فهاد الخلا 

نهشل : ماذا !! 

لمياء : الازالت الطريق بعيدة !! 

شيحان : ينتضرنا يومان كي نصل 

انا : و اين الشراب والطعام 

لمياء : وناري على هادي مضروبة غير على كرشها 

شيحان : معنا مايكفينا الليلة وفي الصباح صنقصد بلاد الهاد كي نقتني ماسيكفينا الليلة الثانية .. نهشل لنجلس هنا 

كلسنا وشدو واحد جوج حجرات خدامين يحكوهوم مع بعضياتهم 

انا : مذا تفعلون !

شيحان : اننا نوقد النار 

انا : اوا قولها من الصباح هاك البريكة خالاها عندي بابا 

شيحان : مذا ! مهذا الشيء 

انا : بوعو .. ارا ليا ديك الشطبة 

شعلت فيها العافية هوما بداو غي حالين فمهوم ومبهوضين نوضت العافيا وكلست وهما باقين حالين فمهم 

انا : وااسيادنا وسبحاان الله واا ديك الزعتر ولا الشيح ولا معرفت اش سمييتك 

شيحان : شششيحااان 

نهشل : كيف اوقدتي النار بهده السهولة 

انا : هاء .. اوااه نسيييت نتوما مزاال موصلتو تعرفو الغاز والبريكة 

شيحان : غااز ؟؟ اي غاز .. نحن ندرس على انواع الغازات 

انا : اوا صباخ الخير 

لمياء : هده اسمها ولاعة ،تفقدها .. في الداخل يوجد غاز يشعل النار اد احتك بهدا الشيء وهدا اختراع اخترعناه كي نشعل النار بسهولة 

شيحان : شيء جميييييل اعطيني ربما سأصل لصنع مثلها وادخل التاريخ 

انا : هادو اختي شافو غي البريكة علم الله لاشافو قنبولة اش غيديرو

نهشل : قااابلوة مدا تعني قابولة 

انا : هههه قابولا هههه سكت سكت هادشي ديال داعش ماشي ديالنا 

شيحان : العلم جميييل .. بحر بلا نهاية 

بقينا مقصرين ديك الليلة وفهمنا بلي شيحان كيقرا بزاف هادشي د الخترعات وباغي اولي عاالم ... اودي شوووف الناس شحال ديال تمارة كيضربو وشحال ديال الطريق باش يقراو وكيخرجو لينا علمااااء وراونا العلم والتكنولجيا اما حنا كلشي متوفر ومابغيينش نقراو لمخير فينا كيقرا تايعيا ويخدم عند واحد امي

Part (9) 

فالصباح شدينا طريق وهنا مهاودين عرفنها اننا فالعصر العباسي و قلنالهم حنا من عصر العلويين مشينا كنكتشفو تاريخنا حتا وصلنا لواحد البلاصة بحال الفيلاج ديالنا .. عيالات لابسين الدرابل و الشراوط و الرجال هاكاك ها لي لحية ديالو مضفورة وهالي مقرع ومخلي جوج زغبات فراسو ضافرهوم مهم بقينا حالين فمنا واحد الشوية قال شيحان 

شيحان : انتظرو هنا سندخل نتقايض لكم لوائين كي لا يعج عليكم الحشد القليل من سيصدق انكم من المستقبل 

انا : واش تفلبيتي انا لبس ديك الدربالة 

لمياء : سكتي راه الى ملبسناش داكشي يتجوقو علينا 

مهم مشا جتبلنا شي شراوط لواهم علينا ونا معرفتش علاش هاد شيحان عجبني بزااف كان زوييين عندو زين عربي اصيل حروف قهويين مرسومين مهم معندي منقول فيه واعر وكيعرف يتصرف اما كون بقات على داك نهشل كون قتلنا هههه مهم شدينا طريق مرة نكلسو نرتاحو مرة نزيدو حتا وصلنا لواحد الجبل 

نهشل : انتظر شيحان دعنا نأكل قليلا اظن ان الفتيات تعبن 

انا : هااا ودابا قلتي حاجة زوينة كلسو كلسو ناكلو شنو عندكم فداك الصيكان 

لمياء : اويلي كوني تحشمي ... دعنا نستريح هنا ثم نكملنا طريقنا 

شيحان: لم يبقى لنا كثيرا غدا صباحا سنصبح فارض الهامشيين 

نهشل : تفضلو 

انا : اش هاد العجب ؟؟ ما هدا 

نهشل : ورق عنب .. تمر و بصل مجفف 

انا : انا غانشبعلك لهاد شي ههههه انه قليل

شيحان : لا تحكمي يا اختي على الكمية فهادا الغداء يقي من الجوع والعطش ليوم كامل 

لمياء : شكرا كولي وسكتي 

انا : لاكن كيف يأكل هذا العجب ؟؟؟ 

شيحان : تعالي اريك 

هو قرب عندي ونا جسمي طلعت معاه الحرارة واخا مدربل شخصيتو رجوليا زوييينا حسن من دوك الكليمنيات دياولنا 

شيحان : ( شادلي فيدي كيورني ونا سارحا عيني فيه ) تمسكين الورقة هاكدا ثم تضعين البصل بداخلها وتلفينها على هدا الشكل ...( شاف فيا) اتسمعينيني 

انا : هاا !!! ا ا نععم اسمعك اكمل 

شيحان : انتهيت 

انا : هااا .. اه حسنا ومذا سافعل بهادا الان 

شيحان : كلي 

لمياء : مالك تصمرتي الراجل وراك كيديرلها وكولي 

انا ( كنشوف فيه ) ومشاااات الشهية اختي بقالي شي ماناكول 

شيحان : ما بك !؟ 

انا : اه !!؟ لا شيء 

لمياء : اهيا الزغبية 

انا : مشيييييت فيها اختي 

لمياء : وهو الصراحة يدوب لي ميدوب كو مكنتش مخطوبة كو لويت عليه

Part (10) 

نا : وتي داك يوسف ديالك شكون ضمنليك غاترجعي ليه ههه 

نهشل : ماذا تقولون !! 

شيحان : دعهم يتحدثن فيما يخصهم لا دخل لنا لا تكن فضوليا يا نهشل 

كلسنا شوية ونوضنا نكملو المشي حتا بدا يطيح الضلام عاوتني شعلنا العافية وكلسنا معاها لمياء نعسات وبقيت انا معاهم .

نهشل : اختاه هل في زمنكم توجد الحروب 

انا : الله يا ودي حتا بلاد مهانية واش هنا الحرب !! 

شيحان : نعم نحن من معسكر الخليفة لدالك نهشل يحب الحديث عن الحروب 

انا : اودي بدلو الموضوع اشمن شي حروب نتوما عاود 

نهشل : تصبحون على خير سأنام 

انا ( مغ راسي : ديرها من الصباح ) تصبح على خير 

شيحان : تصبح على خير ... 

انا : إوا 

شيحان: ماذا !!

انا : اه نتوما مزال موصلكم هاد المصطلح 

شيحان : ايمكنني ان اسألك 

انا : الله ياودي مرحبا 

شحيحان : ما داك الكحل الدي في عينيك لما ازرق ؟ ما اسم عشبته 

انا : ومنين غنعرفلك انا ! على سؤال كي بايخ 

- رجاءا تكلمي بلغة الفصحى كي افهمك

- لا اعرف هدا يعطي لونا ازرقا للعين نفعله لتجميل 

- غريييب الكحل لدينا اسود انه دواء العين 

- وديك الكحول كاع ما افعلها انا 

- ممم عيناك جميلاتان 

- (حشمني هههن ) وداك لعابي مشي معيا انا 

- مذا ! 

- شكرا 

- لا اجاملك .. جمالك فيه نوعا من التلقائية و نوادبك متقونة الرسم اما شفتاك فهم رقرقتان جميلاتان ... جمالك ساحر يا آلاء 

- انا بقيت غي مصمكة هههه : وقول بوكوصة وصافي مالك على هاد تامرة كاملة 

- لا افهمك 

- ممم اعرف اعرف .. لا تدي علي .. انت ايضا وسيم 

- ( ضحك ناااري ضحكتو شحال غزالة ) حقا !! 

- والله .. كم عمرك 

- 28 سنة 

- تبارك الله انا 19 

- 19 !! الست متزوجة 

- لااااا انا باقا صغيرة 

- لا صاحبات 19 سنة متزوجات وبالاولاد نحن القتاه فور بلوغها نزوجها 

- الله و اكبر والدراسة ! 

- اي دراسة .. الفتاة لا تدرس 

- على متخلفين .. نحن ندرس 

- اهل في المستقبل ستدرس الفتاة !! 

- نعم .. تدرس و تعمل .. و تدخل جميع الميادين .. تصبح اكتر من الرجل 

- سبحان الله .. المرأة العربيية ؟؟ 

- نعم العربيية 

- انه عصر الانوار قادم .. مافتئ أتخيله كيف سيكون .. دائما اقول كيف سيصبح العالم .. هل سيتغير الاحسن ام للاسوء.. اخاف ان يتنازلن نساء العرب عن عفتهن .. اخاف ان تتلاشي رجولة العرب ... اخاف ان يتأثر الكرم و الضيافة .. ااخاف جدا من المستقبل وكيف سيصبح احفادنا .

واحد الشوية فاش سالا دار لعندي لقاني ننننعست داني نعاس على هضرتو 

- ها ؟؟ انمت ؟؟(تنهد) سبحانك يا مبدع .. سبحان من سوى تقاسيم وجهك الساحر .. سبحان من سواك (طيحتو)

نوضنا فالفجر وشدينا الطريق لديك لبلاد

Part (11) 

لي مكنعرفو اش كيتسننا فيها والا اش غنلقاو و نسينا كاع اش خلينا من مورانا ... وصلنا و هوما يعطيولنا وجهنا بتش ميحسابتهومشي شي ساحرات ههه حيت هاد المكياج ديالنا مكيعرفوهش وصلنا لفين كيسكنو نهشل مشا فحالو وشيحان بغا يدينا لدارو لي فيها غير ماه اما باه مات فالحرب .. وصلنا كانت واحد دار مبنية غي بالشطب و القش وااااسعه يجري فيها الخيل فيها زارعين شي عجب ماعرفتو اش هو واخد الشوية شفنا واحد المرا جايا تكون عندها ديك 50 سنة قصيرة وضعيفة مسكينو وملوية عليها واحد الثوب كحل جتيا وكتشوف فينا بنظرات متسائلة .. 

- ولدي ؟؟ لما عدت ؟؟ من هن هاؤلاء ؟؟ 

- اماه .. وجدتهما في الطريق ضائعتان 

- تعالو ادخلو يا بنات ( دخلتنا لواحد العجب دياير كي لبيت مفرش غي بجلود و الهياضر ) تعال انت معي 

- امي ان القصة غريبة لاكن لابد ان تعرفي ماذا يجري 

- اهل رآك احد الجيران ؟؟ الا تخاف من كلام الناس 

- ليس لدي خيار امي اسمعيني ( عاودلها كلشي ولاكن متيقاتش ) 

- ماذا تقول يا شيحان هل انت احمق ؟؟ هل خبلت ؟؟ كيف صدقت هاذا الهراء .. ومذا لو كانو ساحرات او ان اتباع العدو .. لا لن اقبل بهم في بيتي 

- امي رجاءا انا لم أجن .. اني اقول الحقيقة 

- لا يا بني اتريد ان نسجن ؟؟ مادا لو علم الخليفة بهدا الشيء سوف يقطعون رأسنا 

- لن يعلم احدا انهن يجدن العربيية وسأخبرهم بتن يصمتو وكتمو هادا الشيء 

- انا لم يعجابانني .. اخاف عليك يا بني 

- امي الا تثقين بي كنت دائما احدثك عن المستقبل .. دعيهم سيساعدنني في دراساتي حول عالم الانوار ( بسيف باش قنعها دخلت عندنا وهي غي كطلع وتهبط فينا مهضراتش معانا كاع ولاكن شيحان فهمنا انها متيقاتش و بصاح هادشي ماسهلش بنادم يتيقو .. هضرنا معاها حنا وعاودنلها عاد تاقت بينا و قاتلنا عنداك يفضحنا فمنا غيردون ساحرات ويقتلونا ... القضية حمااضت و انا اللغة العربية ديالي غير على قد الحال .. حنا بقينا كنهضرو وشوية كنسمعو الدقااان بجججهد ) 

لمياء : من هناك ؟ مهادا يا شيحان 

ام شيحان ( زاهدة ) : انهم الجلادين علينا ان نعطيهم القمح والشعير 

- انا : ولاكن لما ؟؟ 

شيحان : الخليفة كل يوم اسبوع نعطيه من غلتنا كشكر له على ما يفعله لحمايتنا 

انا : لاكن انتم لستم مجبورين .. هدا عمله اد لم يحميكم فلما خليفة ؟؟ 

لمياء : هذا رزقكم احتفضو به ليس من حق اي احد ان يسلبكم رزقكم 

زاهدة : انتم لا تعرفون مدا نعيش .. سأدهب لأعطيه حصته 

لمياء : غرييب هدا استغلال 

شيحان : انا دتئما ضد هده الفكرة لاكن ان لم نعطيه تبتر يدنا 

انا : عجييب ... عليكم ان تتحدو كي لا يسلب منكم رزقكم 

شيحان : من سيتحد ؟؟ الكل خائفون من حكم الجريئ الدم كالماء بالنسبة له 

- انا : الله الله لاطحنا بين يديه .. ادن مدا لو كشفنا نحن في خطر

شيحان : لا تخفن انا معكم و لن اترك شيئا يمسكم 

- انا : شكرا جزيلا 

- شيحان : ابقو داخل البيت حتا تعرفن عاداتنا وكل ما نعشيه كي لا يشك بكم احدا ثم سأرجكم لتتعرفن على العالم الاخر

Part (12) 

هكا تافقنا باش نبقاو غي فدار مخبعين حتا نتعلمو ونعرفو اي حاجه متعلقة بهم عاد نخرجو انا وختي جااتنا صعييبة ولاكن هدا ما كتاب علينا خاصنا نتعودو على هاد العيشة حتا نشوفو فين غاتخرج .. لمياء كان عنها امل كبيير ان ديك السيد مول الالة مغينساناش ضرري مغيجي لعدنا يردناهدا هو الامل لي عدنا ودايرنو فيد الله بقينا فديك الدار .. كل نهار يجي عندنا شيحان ويورنا الجديد انا ولفتوو بزااف خصوصا ملي تعلم الدارجه ولا كيفهمها مزيان.. الى تعطل مادخلش كنتخلع عليه كتر من ماه .. اما زاهدة مرا طيبة وكتخااف بزااف وداخلا سوق راسها متدينة . تعودنا على طيابهم و كلشي هادي شهر دابا وحنا معاهم حتا لواحد النهار بدا الدقان فالباب بجههد . زاهدة جات كتجري وخباتنا ومشات مخلوعة فتحت الباب كانو جوج رجال صحاحين جاين من عند الخليفه شي حد بيع بينا وهوما بداو يرونو الدار كاملة وزاهدة غير كتغوت حتا لقاوناكان قلبنا غيسكت ربطونا وداونا لقصر واحد القصر الباب ديالو كبيرا وكلها حراس شادين سيوفا دخلنا وهوما مكتفينا

نرجعو عند زاهدة 

زاهدة بدات غي كتقلب برا على شيحان و كتسول عليه الناس حتا لقاتو جراتو لدار وعاوداتلو 

- لا هدا غير ممكن سيقتلونهم .. اليوم سيسيل دمهم ... لن اترك هدا الحكم ينفد .. لقد قطعت وعدا بأن أحيمهم 

- لا بني لا ارجوووك اذ قبض عليك الخلييفة سأمووت .. بني لا تتدخل 

- لا يا أمي هده ليست اخلاقي انت ربيتني على اساعد الناس .. هن لا ذنب لهن .. 

وخرج و خلاها كتغوت .. 

- ببببني شيحان .. ارجووك عد .. ارجوووك

حنا دخلونا لديك القصر كولو كيلمع ... فيها شي بنات كي الحوريات داخلين خارجين وغير كيكهكهو وصلونا لواحد الجناح واااعر مفرش بالريش وفيه فالوسط واحد الكرسي كبييييير .. جوج عيالات كالسين فليمن و جوج فالشمال وحدة تنسيك فلوخرة شويه كيدخل واحد السيد وكلشي وقف ديك السيد ظاير كي صعصع كولشي تيخاف منو هو الحاكم ديالهم .. منضر ديالو كيخلع

Part (13) 

لابس شي درابل او واحد السلهام ديال الريش كيبان كي شي نسر و فعنقو كوليي من جلد الحنش داير كي ديك هنود الحمر و ليزافريكان .. لاحونا ديك الحراس ديالو عند رجلو وبقا كيشوف فينا قرب لعندي وطلع ليا وجهي وبدا يحقق فيا وكيضحك شي ضحك شرييير شوية رجع عند ختي لي غاتموت بالخلعة وهزلها وجهها بصبعو وبدا يشوف فيها ويضحك بمكر 

- الحاكم: مممممم حسنواتان ببيت زاااهدة ممممم (شوية هو يجمع ديك الابتسامة وخنزر ) من انتم !!! 

- لمياء : أ أ سس سيدي نن نحن ممم ن 

- انا : ( خنزرت و معرفت مني جاتني ديك الجرأه ) ليس من شأنك .. 

- الحاكم : يا ساذجة الا تعرفين من انا .. عصمااااان ...عصماان من يكلمه يبطح عينيه ارضا وانت صرختي بوجهي ... انت تذهبين للمجزرة برجليك يا ساذجة 

- انا : لست خائفة .. انا لا آخاف من جبان مثلك

- لمياء( غي بالحس ) اويلي شظي فمك يحصابتك هاد حمورابي لي واقف حدانا صاحبتك ولا 

- عصمان : ( قرب لعندي وشاف فيا مزيااان ) لا تخافين ؟ 

انا : ( بجرأة وفين بغات توصل توصل انا اصلا بقا عندي منخسر ومكنخاف موالو ) لااا اخاف 

- عصمان : حافل 

- حافل : نعم مولاي 

عصمان : ادهب بها الى المجزرة ..( شاف عند لمياء ) واترك هده معي .. شممت فيها رأحة الخوف وانا اعشق هاده الرائحة 

- حافل : نوفذ مولاي ( طرني ونا ما غوت موالو معرفتش علاش جاتني ديك القوة و مناش مشيت ونا تايقة فراسي ومخليا ختي من موراي كتشوف فيا بنظرات يااائسة نظرات ضعيييفة من خلالهم فهمت بلي كتقولي ما بيدي مانديرلك 

- حافل : ممممم ( قرب ليها وبدا يلعب فشعرها ) الى اي بلد تنتمين ... جمالك جمال صافي عربي

Part (14) 

أ أ .. للل لا اعرف 

- كيف لا تعرفين 

- ( تفكرات سميت الارض لي كانو باغيين يقراو فيها نهشل و شيحان ) أ أ نا من ارض العلم 

- مممممم أهدا كله حظ .. جميلة .. و عالمة 

-( غير كتبكي ) 

- أخائفة ؟؟ 

- ننن ننعم

-(ضحك بجهد ) ااااعشق من يخااافني .. ستكونين جاريتي 

- (ممصدقاش الى غايحاديها ) لا لا ارجوووك ..

هي كترجاه هو ظيشوف فيها بمكر لتهم جسدها كامل بعينيه واحد شوية تفكرات بلي هاد السيد ما تنفع معاه غي الحيلة وتفكراتني انا لي غايقتلوني و تفكرات بلي يمكن يجي ديك مول الاله يخرجنا من هاد الجحيم بدات تهدن وكاتقول الله ميف دار هاظشي غيفكنا دعات الله واستسلمات الواقع واحد الشوية قاتلو 

- اين اختي استقتلونها !؟ 

- هدا مصير كل من صرخ في وجهي 

- لا ارجوووك .. اقبل ان اكون جاريتك وخادمتك حتي المووت لاكن دع اختي وشئنها 

- انت ستكونين كدالك رغما عنك ... شئت ام أبيت .. لاكن اختك ستلقى عقابها 

رجعو ليا داوني لواحد الساااحة كبييييرة دايرا كي شي مدبحة فيها الطباعي ديال الدم فين ما زطمت هنا عاااد فتحت عيني على الحقيقة وفقت من كلبتي هاا خفتي فين جابتني الله ياربي شغاندير دابا بقيت ماشيا على الله وكندعي الله نكون غي كنحلم وديك الخلالف شاظيني شوية وصلوني لواحد القفص فوسط ديك الساحة وكلشي الناس كتشوف فيا و شادين على فمهم و تقول واش شي حد يجي يعتقني شوية كايبانلي ديك صعصع جاي وتابعينو الحراس ظيالو عيت نقلب بعيني مابنتليش ختي الله على ختي مسكينة غاتكون ميتة غي بالخلعة انا حشاوني فديك القفص و سدو عليا ديك صعصع كلس فوق واحد الكرسي لفووق وقال الحراس ديالو باش يجمع اهل ديك الدوار ولا معرفت اشناهوا كااامل باش يتفرجو فالحكم الله يا مولنا هادي باغي يقتلني فالعلن .. دازت وقيت هوما يتجمعو كاع الناس حتا ولات داك الساحة عااامرة وكتبانلي عمتي زاهدة كتبكي مسكينة شفت فيها بعيني ونزلتهوم شوية هو يبانلي حتا ديك نهشل مصدوووم مسكين اما شيحان كاع مابنلي عييت نقلب بعيني والو .. شوية زمر واحد من الحراس فواحد البوق حتا صمكني وكلشي سكت قال ديك صعصع ديالهم 

- عصمان : اسمعوني يا اهل البلدة اليوم واحد منكم واحد من بلاد الهامشية تجرأت وصرخت في وجهي... ومن يصرخ في وجه عصمااان .. انظرو وتمعنو في عقابه كي لا احد منكم سيتجرأ ويصرخ في وجه عصمان 

الله يا ربي ومشيت فيها هادي هي نهايتي

عصمان : وكما تعرفون البارحة تم القبض على جباار واحد من اتباع حاشا واليوم سيكون عقابه لدا جمعتكم كلكم كي تشاهدونه تلتهمه الذئاب الجائعه اما تلك الثرثارة اريد لها عقابا أكبر ... هو ان تشاهده يلتهمونه و يفترسون جسده وعليها ان لا ترفع بصرها حتا ينتهونه منه وغدا ينتظرها نفس العقااب 

هاؤ على ماشي انا لي غنتعاقب دابا 

- اريد لها عدااابا قبل الموت ... ارييد ان تقضي الليلة تحلم ب جباار وهو تلتهمه الذئاب و تنتظر موتها اللذي سيكون بنفس الخزي ... يااا حرااااس اابدأو تنفيد الحكم 

لا مستحييل لااا ميمكنش نشوف انا فسيد كيكلوه الدياب ومنديرلو والو وغدا غايكلوني حتا انا الله ياربي دي روحي دابا اش هاااد العداااب اااوف لش دااني لشي آلة اوووف دابا عاد شفت الخقيقة .. شوية كيظخلو ديك جبار وهو مربوط بالسناسل وكولو كدمات وكيترعد خرجوني انا من داك القفص ودخلوه هو 

عصمان : اادخلو الدئاااب

Part (15) 

واخد الشوية كيجيبو الدياب نااااري مي اشهاد المنضر ناس كاملة كتغوت وداك السيد مسكين غير كيدور فداك القفص وكيتمرغ كي شي حمق اما دوك الدياب جاعرييين و ريوكوهم سايلين الله ياربي هاكا غايوقعلي غدا الله يربي دير شي معطزة ورجعني فحال .. شوية كنسمع واحد الدقه بصوووت عااالي هاداك كيسميوه صوت الموت بعدو مباشرة دخلو الديااب لديك السيد وداوني انا وشدولي راسي باش نبقا نشوف فيه مقديتش نشوف فيه كايكلوه وهو كيغوت ربي لي خلقو مسكين باقا فيا بزاف الناس كاملة كتشوفو غي من بعيد وكتغوت اما انا قلبي كان غيسكت كانشوف فيه وكنفكر راسي غانكون فبلاصتو ديك عصمان عندو هادا اكككبر عداب ولاكن انا شنو دنبي .. ديك السيد مسكين كلاوه دياب كامل واحد شاد رجل واحد يد مسارنو كاملين مزلعين فالارض و الدم واصل حتا لرجلي انا نسد عيني هما يضروبيني خصني نبقا كنشوف فيه تعدبت كتر منو وخا مكنعرفووش وبقيت نبكي حتا كان قلبي غيسكت وكنطلب الله يظي روحي قبل مانشوف نفس عدابو وياكلوني حتا انا فاش شبعو الدياب خرجوهوم وداوني انا لواحد الزنزانة ولاحوني غير ريحت البهايم و الوسخ ديالهوم الضلااااام مكنشول والو لاحنو وربطوني ومشاو بقيت غي كنبكي وتفرت والدي فييينكم اجيو تشوفو بناتكم فين كيتعدبو اوووف الخفة ظيالي فين وصلاتني وختي مسكينة منعرف اش راهم دايرين فيها داز قدامي شريط حياتي كامل من بديت نتعلم لبيسكليت وبابا كيعاوني وماما خايفا عليا نطيح كولشي تفكرتو مني نجحت وفرحولي داو قدامي كل اللحظات السعدين لي دوزت بقيت نبكي بججهد ونععيط بسمية ماااامااا حتا عييت واستسلمت

نرجعو عند ختي لي راها كتبوحط عليه باش تبقا حية ماشي بحال عنظي نيشان نيشان 

لبسوها شي شراوط ودارت راسها فرحنا بيهم 

لمياء : شكرا لك يا مولاي على هدا القماش 

عصمان(خنزر فيها ) هدا ليس قماش انه لواء الا تعرفينه 

لمياء : هاا. ؟؟ لا اعرف ( بدات غي كتلعثم باش ترقعها ) ت ب لاكن نحن في بلدتنا نقول له قماش 

عصمان : اممم جميل ( قرب عندها وبدا يطلع وهود فيها ولعبلها بشعرها هو قرب لفمها وهي تقول

Part (16) 

لمياء : أ أ أين اختي 

عصمان ( خنزر ) اهدا وقت اختك ( زيرها لعندو ) انتي لي انت ملكي عليك ان تخضعي لي لدي رغبة بك الان 

شوية دقو الباب 

عصمان : من هنااااك 

الطارق: مولاي ... مولاتي رزقت بولد 

هو غير سمع ولد وهو بغا يطير بالفرحة حيت مرتو كانت كتولد فاش سمع ولادات مشا عندها وخلا لمياء كتحمد فالله لي نجات مت داك الموقف 

انا مزالا فحالتي حتا كنسمع صوت جاي عندي من بعيييد .. الله يا ربي واش غيقتلوني دابا ... واحد الشوية كابنلي واحد الضو ديال العافية كيقرب حتا وصل عندي 

- شيييبحااان ؟؟؟؟ 

- شششششت اصمتي هيا بنا 

- ( طررت بالفرحة كيت شفتو دان لابس لباس ديال الحراس ورافد ولحد العمود دياب العافية كيضوي بيه حيتاش خابسيني فواحد النفق كولو مضلم ..) 

- اش كدير هنا 

- شششت لنخرج من هنا واخبرك تعالي 

نزلني مشي حفاري معمري شفت ديك الطريق كيدخلني من حفرة ويخرجني ملوخرة عاود ندخلو فيها بقينا هاكاك كنجرييو حتا كنت غنسخف وانا نكلس 

- صاااف خببس انا مقديتش نزيد عييت 

- أجننتي نحن لازلنا في الخطر 

- غير قولي فين راحنا دابا 

- نحن تحت الارض القصر هدا المسلك لا يعرفه احدا ابي هو من دلني عليه وقال لي 

- بني يوما ما ستحتاج الى هدا المسلك اخاف ان تسجن هنا يتم قتلك لاكن تدكر يا ولدي هدا المسلك

كنت صغيرا حينها . واليوم جاءت الفرصة كي اسلك منه و أنجيك لا تخافي لن ادع اي خطر يمسك 

- واختي 

- تركت نهشل يتكلف بها هيا تعالي 

بقيت غي كنشوف فيه معرفتش علاش عندي رغبة نطير عليه ونبوسو قلبي خفق ليه واش هدا هو الحب ؟؟ اتي نووضي اشمن حب فكي بعادا هاد الحريرة .. حنا كانجريو شوية كنسمعو شي خطوات جاين مورانا 

- شششششت تعال تعالي 

داني تخبينا مور واحد الحجرة وطفا ديك العافية باش منتفضحوش .. بقيينا شحاال وحنا قاطعين الخس والنفس وانا معنقاه وكنترعد وهوا مزيرني عندو بحال شي حاجه عزييزة مبغاهاش طيحلو بقينا شحاال هاكاك حتا كيتقطع حس ديك الخطوات عاد ردينا لبال لوضعيتنا وكيفياش كنا معنقين نوضت انا ونفضت وحوايجي وحتا هو ناض متوتر وكملنا الطريق حتا خرجنا من ديك النفق و لقينا راسنا فواحد الخلا غي الرملا وشي عشباات صغار فالارض بحال الشوك .. 

- شيحاان شكرا بزااف معرفتش كيندير نرجعلك هاد الخير 

- هادا واجبي انا قطعت وعدا اني سأحميكم تعالي لنجلس 

كلسنل ونا سااهية وغير كنشوف فيه حداه نسيييت كوولشي نسيييت كااع ماداز عليااا تمنين الوقت يوفق و الزمان يحبس غي فحاد اللحظة نبقا غير سارحا فعينيه الكوحل واحد الشوية كنشوفو نهشل جاايب ختي وجااي انا طررت بالفرررحة ومشيت كنجري لعندها وهي جات عندي كاتجري .. 

- ختييييي لميااااء ختي ياك مدارلك والو ديك الحمق ياك راكي مزيان 

- لا اختي مدارلي ولو نتي لكنت مشوشة من جييهتك 

طمنا على بعضيتنا وكلسنا هو يقول شيحان

Part (17) 

شيحان : الان سنتجه الى ارض البارقيين سوف نعيش هناك امامنا 4 ايام من السفر لن يعرفكم اي احد هناك .. نهشل شكرا لك جزيلا يا صديقي نعم الصداقة انت 

صراحة عمرني شفت شي جوج صحاب يغامرو براسهم على قبل ينقدو شي حد نهشل مسكين حط راسو فالخطار وهرب لمياء و انا شيحان مسكين غامر بحياتو .. بفففف ماشي بحال الرحال دياولنا السروال طايح وجوج زغيبات طالعين فالسما ايخ ... شيحان ودع صديقو وصاه يرد لبال لماه علما وصلنا انا ولمياء بكانا الموقف و تأثرنا فاش كان كيةدعو ويشكرو على وقفتو معانا الصداقة الحقيييقية

حنا شدينا الطرييق طوييلو لديك الارض مرة نكلسو مرة نتمشاو مرة نعسو ديك الطريق كاملة محسيتش بيها وتمنيتها تزيد تطوااااال حيت معنا شيحان ختي فهماتني بلي طيحت فيه طيحة وحدا وحتا هو كب مرة نلقاه كيشوف لجهتي ة نهودو عنينا فاش يتقابلو ... بعد طريق طويله وصلنا لديك الارض .. كانت مهدنة شوية مافيهاش الصداع يمكن حيت مافيهاش ناس بزاف مشا هضر مع واحد الراجل ودارولنا واحد الخيمة وجابلنا شي هياضر و ماناكلو ودخلنا انا كان فيا الموت دالنهاس غي دخلت طيحت دودة فاش فقت مالقيت لا لمياء لا شويحيح ديالي ... اناري فين مشاو هادو واحد الشوية كدخل لمياء فرحاانة وهو حشمان شاف فيا وهود عينيه ومشا ... 

- ختي مالكوم فين كنتو 

- طيرتيلو قلبو المسخوطة 

- شنوو ؟؟

Part (18) 

- راه قالي بلي بغا يتزوجك واقالي بلي نتي مسؤولة عليها وطلبك مني 

- اناري اش كتقولي واش كتهضري بصاح 

- وعلى هادشي فيه الضحك 

( طرت عندها وعنقتها بالفرخة ديالي ةخرجت عنندو كنجري عنقتو ) 

- مالك حشمان قولهالي وصاف 

- اتقبلين ان تكونيني زوجتي

- الله يا ودي مساامحلك فالصدااق و مفشهر العسل و فالعمارية و فكلشي 

- حبيبتي .. هده الكلمات لم تعلميها لي 

- ههههه ( عنقتو وبقيت مزيرة عليه شوية دخلنا ل ديك الخيمة وختي خرجات قالك تشوف هاد البلاد كيدايرا امممم وانا نفهم بلغات تخلينا بوحدنا .. ياخليلي الزواج شحال زوين عند هادو لا عدول لا ورقة لا ديك لا يخليك قالي تزوجني قتلو اه صافي مزوجين .. كلس و نا نعستلو فحجرو وبدا يلعب لي فشهري كنت ماالكة الدنيا كااملة بين يدي ونا كنشوف ليه فديك الضحييكة لي سحرتني حتا بدا يديني النعاس نعست حتا كنسمع

La fin 

آلاااااء وفيييقي اويلي على كسووولة وااانوضي مااالك 

- ششيحااان حبييييبي 

- اولي على الهبيييلة. ااانوووضي 

شوية كنوض مخلوووعة 

- فييين انا لمياء فين مشا شيحان 

- شنو هوا !!! اشمن شيحان واش طالعليك السخااانة 

- وبعدي مني واااموتولي فشيحاااااان بغيييت راااجلي 

- (كضحك عليا ) انوضي اديك المقلوبة راه هاظ النهار جايين فيك الخطاب 

- اشمن خطاب انا مزوجه مالكي مهقلتيش وياك خطبني منك ونتي لي قلتيلي راه كنعجبو وبغا يتزوجني و عصمان لي كان شادنا وهو جا نقدنا هو ونهشل مالك نسيتي 

- هههههه لا نتي تسطيتي ديال بصااح ماااامااا اجي تشوفي بنتك لي غاتزوحيها زعما اش كتقول 

- ماما : الاء بنتي مازالا ناعسا نوضي سربي يالاه بحرا توجدي راسك جايين يخطبوك شي ناس نوضي دغيا 

- انا : اوالله ما نخون شيحوح دياالي هو مسكين نقدني من عصماان و انا نخوونو ونتزوج لااااا

- لمياء : وراكي غي كتحلمي اديك الحمقة 

- انا : لااا مكنحلمش واش نسيتي ياك ركبنا فديك الالة الكبييييرة انا ونتي و سافرنا للماضي لعصر العباسيين مالمي نسيتي 

- لمياء : لا لا لا هادا مايكون غي ديك الفيلم د عبدو عند الموحدين اثر فيك وبديتي غي كتهترفي 

- ماما : نوضو من تما دغيا بنتي لمياء الله يرضعي اجي عاونيني فديك الكيكة ونتي نوضي دوشي وقادي حالتك شوية ويوصلو 

ااااوف غي كنت كنحلم ولاكن حلمة زويينة عاد تفكرت بلي بابا واخد صاحبو شافني ولدو وجايين يخطبو فيا مشيت جبدت قفطاني و لبستو ودرت مكياج خفيف منزيلي و بليغة وهودت نعاون ماما حتا كنسمعو الدقان ختي حلات الباب و دخلوهوم ونا عطاتني ماما الصينية ندخلها فيدي انا دخلت وعليت عيني فين ونا كيحلي الصينية من يدي 

- شيحااااان !!!!!!!!!!!؟؟؟؟؟؟ 

النهاااااية